《火影忍者》大热已非新鲜事，坊间无边间铺头搵唔到佢的精品，扭蛋一代接一代，要追到贴怕且要搵个仓来摆。呢次的新扭蛋，强调出招气势，用?大量唔同色的透明胶做衬托，不过弱点系睇少眼都——甩。

　　老实讲，在近期频出的火影忍者扭蛋或景品之中，呢一弹水平麻麻。人物造型算过得去，但上色偏暗哑，最大弊点系旁边的胶好易甩；而且成套六款，搵个女角都冇！（我的纲手姐姐呀，你去左边？）

　　或者公道来讲，之前的盒蛋、扭蛋都系静态为主，无咩出招动作，所以今次加来新意亦无可厚非，而且旁边的旋转型彩胶，亦的确能带出鸣门出螺旋丸时的气势，算是几有动感的一弹。另外佐助的眼神同动作都特别强调佢由正入邪的一面，蓝色水胶状的出招情景都可以睇得下的。

　　反而呢一弹的“主角”似乎系自来也，普遍版有佢，特别版竟然又系佢，不过我嫌佢块面的色彩唔够夸，件衫的色又唔够鲜艳，你知呢位大叔不嬲都似过节巡游的演出者，上色应该再丰富来先。

　　今匀成套扭蛋最“正”的反而系长治，我真系唔知佢几时变?一个拍得上佐助的靓仔，块面好似整过容咁又尖又长，无论上色、动作、神态都远胜其它角色，唔通作者想为佢增加女fans？